नेवाः देय् दबूया नेवाःछेँया ज्या न्ह्यात
नेवा: समुदायया पहिचान व सांस्कृतिक उत्थानया नितिं महत्वपूर्ण पहल यासें नेवा: देय् दबूपाखें औपचारिक रुपं नेवा: भवन निर्माणया ज्या न्ह्याकूगु दु ।
काठमाडौं महानगर–१५ या पश्चिमी भेग चःमतिइ भगवानपाउं बनस्थली वनेगु लँय् च्वंगु उगु भवनय् ताःई न्ह्यःनिसें थीथी संघसंस्था, व्यक्तित्व व नेवा समुदायया सक्रिय योगदान यानावयाच्वंगु दु । अन्ततः सकलसिगु निरन्तर कुतःया हुनिं थ्व ऐतिहासिक योजना कार्यान्वयनया चरणय् प्रवेश जूगु दु ।
उगु भवन नेवाः भाषा, संस्कृति, परम्परा व पहिचानया संरक्षण व प्रवर्नद्धनया निंतिं छगू प्रमुख केन्द्र जुइगु आशा यानातःगु दु। निर्माण ज्या ताःलाकेत थीथी संघसंस्था, व्यक्तिपिनिगु महत्वपूर्ण भूमिका दु, गुकियात ग्वसाः खलकं विशेष सुभाय् देछाःगु दु ।
नेवा: समुदायया एकताया नितिं महत्वपूर्ण कथं कयात:गु भवन निर्माणं नेवा: संस्कृति ल्यंकातयेगु नापं लिपाया पुस्तायात नं प्रेरणा बिइगु आशा दु ।
Chairman's remarks
नेपाः देयया आदिवासी झी नेवाः जुयाया गर्व झीत दु । भीगु संस्कृति, संस्कार भाषा व तजिलजि विश्वय् हे न्ह्यब्वये बह:जु । झी नेवाः तयगु कला कौशल, नेवाः सम्पदा विश्वयहे नां जा: । स्वनिगलय जक हे नं प्यंगु प्यंगु विश्व सम्पदा सूची सुचिकृत जुयाच्वंगु सम्पदा झीत विश्वय हे झीगु विस्कं कथंया पहिचान बियाच्वंगु दु । झीगु सभ्यता, अथेधैगु नेवाः सभ्यता विश्वया नांजाःगु सभ्यता मध्ये छगू महत्वपूर्णगु सभ्यता खः । उकि हे संसारया नांजागु विश्वविद्यालयया प्रोफेसर व डाक्टर तयेसं नेवाः सभ्यताया विषयस अध्ययन अनुसन्धान यानाच्वंगु दु । थौं थपायजिगु सभ्यताया धनी झी नेवाः तयेसं थी थी हुनिंयाना थःगु भाषा, संस्कृति , संस्कार, तजिलजि आदि इत्यादि फुकफुक लोमंका गैर नेवाः भाय् , संस्कृति , तजिलजि यात नालाकयाच्वना । थुकियाना थौं थःत नेवाः धका गर्वयायेगु लपु झीसं तंका च्वना । झासँ नेवाः देय् दबूया झण्डा क्वय झी सकलें छप्प॑ छधि जुया तनावनेत्यंगु झीगु भाषा, संस्कृति, तजिलजि, कला व सम्पदाया संरक्षण व सम्वर्धन यायेत मुने ।
नेवाः राष्ट्रिय सम्मेलन ग्वसाः खलः
सत्यमाेहन जाेशी
वाङमय शताव्दी पुरूष
मल्ल के. सुन्दर
पूर्व नायः
पद्मरत्न तुलाधर
संस्थापक सदश्य
लक्ष्मण राजवंशी
संस्थापक सदश्य