Get Adobe Flash player

नेवाः देय् दबू गोरखा नीस्वन

नेपाल आदिवासी जनजाति महासंघ गोरखा जिल्ला समन्य परिषदया नायः भाजु विष्णु रानामगरया नायःसुइ वंगु मंगलवाः कछलाथ्व द्वादशी जुगु छगु ज्याझ्वलय् भाजु देवी प्रसाद श्रेष्ठया नायःसुइ गुम्हसिया नेवाः देय् दबू गोरखा जिल्ला समिति नीस्वंगु दु । अथेहे न्वकू रामबाबु श्रेष्ठ, छ्याञ्जे भगवानबाबु श्रेष्ठ, दांभरिं रुसबाबु जोशी, दुजलय् कृष्ण कुमार श्रेष्ठ, गोवर्धन श्रेष्ठ, सत्यमान श्रेष्ठ, रामकुमार श्रेष्ठ व राजकुमार श्रेष्ठयात ल्यंगु दु । थुगु ज्याझ्वलय् नेवाः देय् दबूया नायः नरेश ताम्रकार मूपाहाँकथं ब्वति कयादिइगु खः ।
गोरखाया थीथी नेवाः गुथि खलःपुचःया प्रतिनिधिपिन्सं ब्वति कयादिइगु उगु ज्याझ्वलय् नायः देवी प्रसाद श्रेष्ठं थःपिं व्यापार यायेगु झ्वलय् थन वयाच्वनागु व फरक राजनैतिक विचारधारां याना थनया नेवाःतय् दथ्वी थःथवय् सहकार्य मदयाच्वंगुलिं नेवाः देय् दबू गोरखाया गठनं थनया सकल नेवाःतय्त छथाय् हया सहकार्य व सहयोगया भावना ब्वलंकाः नेवाःतय् पहिचान स्थापित यायेगु ज्याय् तिबः जुयाबिइगु बिचाः प्वंकादिल । अथेहे मूपाहाँ नरेश ताम्रकारं गोरखाया सकल नेवाःतय्त छप्पं याना नेवाः भाषा, संस्कृति ध्वाथुइका नेवाः एकता क्वातुकेगु ज्याय् नेवाः देय् दबू गोरखां मूवंगु भुमिका म्हितेत ताःलाइगु खँय् थः विश्वस्त जुयागु खँ तसें समितिं इनाप याःकथं नेवाः संस्कार व कर्मकाण्ड न्ह्याकेत नेवाः गुरुजु तालिमया नितिं माःगु ग्वाहालि यायेगु बचं बियादिल ।

Upcoming Programs

क) नेवाः देय् दबू जिल्ला समिति माेरड०,  जिल्ला भेला ः बैशाख १५, विराटनगर
ख) जातीय परिषद भेला ः बैशाख १८ गते
ग) केन्द्रीय समिति बैठक ः २०७५ बैशाख २८, दैलेख